軒仔由星期四開始發燒,最高都唔過39。Ｃ,而且係時高時低,個人冇胃口o
一直都以為好似以前出牙甘,燒3日就冇野,加上屋企有藥,一路都冇諗住睇Dr.Lam,
点知到今日已經冇燒,但依然唔肯食野!真係好心痛,呢几日已經搞到瘦哂!
之後去左見Dr.Lam,佢話軒仔喉嚨發炎!果刻勁想喊呀!
因為一直以黎軒仔係極少食熱氣野同零食!之後先諗到飲荼食過一舊春卷皮!
睇完Dr,阿丙知道係喉嚨痛之後,又發揮揸巴士技術啦!
之前仲話"牙痛梗係唔開胃啦!"而家即扭軚"牙痛點會痛甘多日吖!"
呢D說話我聽得太多啦!呢個時侯單聾既我即變双聾!
喺果邊都試過啦,佢同軒仔一齊訓,阿某同某某就輪流入去整軒仔,
入左去幾次啦,我出聲"佢訓左唔好搞佢住啦,佢訓唔醒有排喊呀!"
好!唔聽呀嘛,結果阿某喺房捉蟲啦!軒仔喊到收唔到聲,
某某即刻叫我入去,同時喺廳又用手語+唇語閙阿某o
果時佢先醒問我阿仔仲乜喊得甘勁!
呢個時候,阿某行入黎好大聲話"做咩啊?仲咩喊得勁啊?"
咍!好野!推得幾好吖,好似完全唔關事甘!
OK!我會經一事,長一智架啦~多謝哂!
Chatboard (0)